Հունաստանի մայրաքաղաք Աթենքում անհայտ անձինք կրակ են արձակել ոստիկանների վրա

Հունաստանի մայրաքաղաք Աթենքում անհայտ անձինք Կալաշնիկով տեսակի ինքնաձիգից կրակ են արձակել մայրաքաղաքային ոստիկանության գլխավոր վարչության մոտակայքում գտնվող ոստիկանների վրա. գրում է РИА Новости-ն: 

Ոստիկանները փորձել են չորեքշաբթի առավոտյան կանգնեցնել Աբելոկիպի շրջանում երթևեկող մեքենան` ստուգելու նպատակով: Նախնական վարկածի համաձայն` անհայտ անձինք 2 Կալաշնիկով ինքնաձիգերից 8 անգամ կրակել են ոստիկանների ուղղությամբ: 

Ոստիկանները պատասխան կրակ են բաց թողել` վնասելով մեքենան, սակայն այն դեպքի վայրից անհետացել է:

Վիրավորներ չկան: Տարվում է հետաքննություն: Նրանց վարած Volvo մակնիշի մեքենան շուտով հայտնաբերվել էր այդ տարածքում: