Արտավազդ Փելեշյանը՝ Գյումրու պատվավոր քաղաքացի

Այսօր Գյումրիում էր ծնունդով գյումրեցի աշխարհահռչակ կինոռեժիսոր-վավերագրող, Արտավազդ Փելեշյանը: Գյումրու ավագանու անդամ Լեւոն Բարսեղյանի առաջարկով եւ ավագանու միաձայն որոշմամբ ծննդյան 75-ամյակի առիթով վարպետին շնորհվել է Գյումրու պատվավոր քաղաքացու կոչում: Մինչ երեկոյան թատրոնի շենքում Ա.Փելեշյանին հանդիսավորությամբ կհանձնեվեր պատվավոր քաղաքացու հավաստագիրը, Գյումրու քաղաքապետարանում Սամվել Բալասանյանը, փոխքաղաքապետերը, բաժնի պետերն ու ավագանու անդամները ընդունեցին կինոմատոգրաֆիայի մեծ վարպետին, ով, ի դեպ, ծննդավար էր եկել ընտանիքի անդամների՝ կնոջ, քրոջ եւ թոռնուհիների հետ:

«Մենք ենք մեր սարերը տեսել եք, չէ՞, Ռեւազին հիշում եք, չէ՞: Մենակ դրանով մենք գյումրեցինեով պարծենում ենք»,- գյումրեցի աշխահրահռչակ կինոռեժիսորին այսպես ներկայացրեց քաղաքապետ Սամվել Բալասանայանը, իսկ Ա.Փելեշյանը քիչ անց կատակով ավելացրեց, որ Ռեւազը իր երիտասարդ տարիների սխալն է: - Ինձ համար շատ մեծ պատիվ եւ պարտականություն է լինել Գյումրու պատվավոր քաղաքացի: Շնորհակալություն ավագանուն այդ պատվավոր կոչումն ինձ հանձնելու համար,- իր խոսքում նշեց Արտավազդ Փելեշյանը:

-Ձեր դոկումենտալ ֆիլմերը համաշխարհային դասական ուսուցանելիք են կինոյի հետ գործ ունեցող ցանկացած մեկի համար,- հանդիպման ընթացքում վարպետի մեծությունը գնահատեց ավագանու անդամ Լեւոն Բարսեղյանը՝ պատմելով, թե ինչպես ուսանողական տարիներին ընկերների հետ գրազ է եկել վարպետի ծննդավայրի իսկության շուրջ.« Բոլորը համառորեն պնդում էին, թե կինոյի միջի Ռեւազը չի կարող գյումրեցի լինել, ես էլ, իհարկե, բացատրում էին, որ Ռեւազը այն ամենփոքրիկն է, ինչ արել է պարոն Փելեշյանը: Վերջը սովետական հանրագիտարանը բացում, ասում էի՝ նայեք, մարդը Գյումրիում է ծնվել: Շատ կուզենայինք Ձեզ աշխատելով տեսնել, նկարեիք, մենք էլ ինչքան կարող էինք, սովորեինք: Ավագանին միաձայն ընդունել է այդ որոշումը՝ առանց տարակուսանքի, մեծագույն հավատամքով, որ Հովհաննես Շիրազի, Ավետիք Իսահակյանի եւ մեր մյուս մեծությունների կողքին Ձեզ նման մարդ ունենք»:

Քաղաքապետարանի մշակույթի բաժնի վարիչ Արտաշես Կարապետյանն էլ ավելացրեց, որ մի քանի օր շարունակ հետաքրքրվել ու մեծ դժվարությամբ պարզել են, որ Արտավազդ Փելեշյանը ծնվել է Գյումրու 24 փողոցի 25 տանը.«Դուք ծնվել եք քաղաքապետարանից 100 մ հեռավարության վրա, ներկայիս Սպանդարյան փողոցի հին, գեղեցիկ, Գյումրվա ոճով կառուցված տանը»:

Հանդիպման ընթացքում վարպետին հանձնվեց Գյումրվա խորհրդանիշ համարվող կլկլան բաժակը՝ մուշարբան, եւ ԱՊՀ մշակությաին մայրաքաղաքի նվերների պարկը՝ «Գյումրի» գրքով: Իսկ երեկոյան թատրոնի շենքում վարպետին պատվավոր քաղաքացու կոչման հետ մեկտեղ կհանձնվի նաեւ նրա նոր ծննդականը:

Աղբյուրը՝  asparez.am