1921թ. այս օրը հայ վրիժառուն սպանեց Ադրբեջանի ներքին գործերի նախկին նախարարին (տեսանյութ)

Նեմեսիսի հայ վրիժառու, ՀՅԴ անդամ Միսաք Թորլաքյանը ծնվել է 1888 թ. Տրապիզոնի նահանգ Կյուշանա գյուղում:

Հայ ազատագրական պայքար է մտել 17 տարեկանում` կազմակերպելով մահմեդական լազերի դեմ պայքարող հայ վրիժառուների խումբ, որը զբաղվել է նաև զենք ու զինամթերք հայթայթելով: Առաջին աշխարհյամարտի տարիներին, խուսափելով թուրքական զինծառայությունից, ապաստանել է լեռներում:

1915-18թթ. ծառայել է ռուսական բանակում որպես հետախույզ:

1921-ի հուլիսի 18-ին Միսակ Թոռլակյանը Կոստանդնուպոլսում ոչնչացրել է Ադրբեջանի ներքին գործերի նախկին նախարար Բիհբութ Ժիվանշիր Խանին: Թորլակյանի գործընկերներն էին Երվանդ Ֆունդուկյանն ու Հարություն Հարությունյանը: Անգլիական Ռազմական Դատարանը դատել է Թոռլակյանին և արդարացրել՝ որպես անմեղսունակ, նրա արարքը բնորոշելով որպես արտակարգ հուզմունքի վիճակում կատարված սպանություն:

1921թ. հոկտեմբերին անցել է Հունաստան, ապա Բելգրադ ու Բուխարեստ: Երկրորդ համաշխարհային պատերազմի ժամանակ Ղրիմում և Նովորոսիյսկում գերությունից է ազատել բազմաթիվ հայերի: Հետպատերազմյան տարիներին ապրել է Շտուտգարտում (Գերմանիա), իսկ

1952թ. տեղափոխվել Քալիֆորնիա:

Մահացել է 1968թ. Քալիֆորնիայում:

Նյութը պատրաստեց` Ք. Ա-ն