Փոքրիկ Հովիկը օգնություն է խնդրում հորեղբոր համար․ նա միանում է Հրաչյա Հարությունյանի դստեր պահանջին (տեսանյութ)

«Իսկական հայը յոթ երեխայով պետք է սեղան նստի՝ մի կտոր հաց ուտելու»,- այս կարծիքին է երկու դուստր և հինգ որդի ունեցող, պատերազմի մասնակից Արմեն Հարությունյանը, ով չնայած սոցիալական ծանր պայմաններին՝ կյանքի հանդեպ չի դառնացել: Նա հպարտությամբ նշեց, որ տղաներից երկուսը շուտով քննություն են հանձնելու «Փոքր Մհեր» կրթահամալիր ընդունվելու համար, նրանց երազանքը Հայոց բանակի սպա դառնալն է: Ընտանիքի մայրը՝ Պայծառ Մանուչարյանը, չնայած բազում դժվարություններին՝ չի տրտնջում:

Արցախի փողոցի հինգերոդ շենքի առաջին հարկում է բնակվում Հարությունյանների ընտանիքը, չորրորդ կարգի վթարային շենքում առանց ջրի, առանց կոմունալ հարմարությունների ապրում են տասը տարուց ավելի: Ջուրը երեխաների հետ ստիպված դույլերով բերում են հարևան բակից, իսկ բնական կարիքները հոգում են դույլերում, մայրը տանում է՝ հեռվում թափում: Արդեն տասը տարի է՝ այս պայմաններում են:

Արմեն Հարությունյանը պատերազմի մասնակից է, ցույց է տալիս իր մեդալը, ծառայության գրքույկներն ու նշում, որ բազմազավակ ընտանիքը պետությունից որևէ աջակցություն չի ստացել այսքան ժամանակ: Գրեթե լուծվել է նպաստի հարցը, մինչդեռ մինչև հիմա ընտանիքը նպաստ չի ստացել: Արմեն Հարությունյանն արտագնա աշխատանքի մասին թեև մտածում է, բայց արտագաղթի մասին՝ երբեք, իր զավակները պետք է հայրենիքում ապրեն: Նա միացել է Ազատության հրապարակում հավաքված ազատամարտիկների կոչին: «Ցանկացած հայ մարդ պետք է պայքարի արդարության, ճշտի համար»,- ասաց Արմեն Հարությունյանը: Երեխաները դպրոցում լավ են սովորում, նրանցից երեքը հաճախում են Ավանի գիշերօթիկ դպրոց: Մեծ դուստրը՝ Ալինան, գիշերօթիկի ավագն է: Գրում է 1in.am-ը:

Ծնողները չեն ուզում զավակներին գիշերօթիկ ուղարկել, սակայն ստիպված են, քանի որ չունեն ապրելու նվազագույն պայմաններ:

Ի դեպ, վարչապետ Տիգրան Սարգսյանը հունիսի 15-ին իր աշխատասենյակում ընդունել է «Ազատություն» ռադիոկայանի տեսանյութի հերոս 14-ամյա Հովհաննես Հարությունյանին, ով ցանկություն էր հայտնել հանդիպել նրա հետ և ասել իր ասելիքը:

«Վարչապետի մոտ էի, կտրականապես մերժեց, իսկ սովետի ժամանակ բազմազավակ ընտանիքին տրամադրում էին տուն, ավտոմեքնենա, իսկ հիմա ոչինչ»,- ասաց Արմեն Հարությունյանը: Հովհաննես Հարությունյանը վարչապետի հետ հանդիպումից դժգոհ է. «Ինչ խոստացավ, բոլորը սուտ և փուչ խոաքերն էին, ինչ խոստացել էր՝ չարեց։ Ամեն ինչ խոստացել էր՝ հատկապես ուսման հարցով, իր տված խոստումներից ոչ մի բան չի իրականացրել»,- ասաց Հովիկը: Հայրը ցույց տվեց համակարգիչը, որ Կրթության և գիտության նախարար Արմեն Աշոտյանն է նվիրել վարչապետի հրամանով, և շնորհակալություն հայտնեց: Սակայն Հովհաննեսի ամենամեծ ցանկությունը՝ տան հարցի լուծումը, այդպես էլ չի իրականացել: Նախագահի հետ հանդիպել չի պատրաստվում, քանի որ վարչապետին հանդիպելուց որևէ օգուտ, իր իսկ խոսքերով, չկա:

Շարունակությունն՝ այստեղ: