Երևանի քաղքապետարանի պատասխանը Անահիտ Բախշյանին

Երևան քաղաքի ավագանու «Բարև Երևան» խմբակցության անդամ Անահիտ Բախշյանի կողմից հրավիրված ասուլիսի ժամանակ Երևանի քաղաքապետին ուղղված գրությունների առնչությամբ արված հայտարարության վերաբերյալ հարկ ենք համարում տեղեկացնել, որ «Երևան քաղաքում տեղական ինքնակառավարման մասին» ՀՀ օրենքի 37-րդ հոդվածով նախատեսված Երևան քաղաքի ավագանու անդամների գրավոր հարցերին պատասխանելու պարտականությունը Երևանի քաղաքապետի հանձնարարությամբ դրվել է աշխատակազմի կազմակերպական վարչության պետի վրա:

Ըստ այդմ, տիկին Անահիտ Բախշյանի կողմից ուղարկված բոլոր գրություններին Երևանի քաղաքապետի լիազորված անձի՝ Երևանի քաղաքապետարանի աշխատակազմի կազմակերպական վարչության պետի կողմից Երևանի քաղաքապետի անունից տրվել են սպառիչ պատասխաններ և պատշաճ կերպով հանձնվել են դիմողին:

Երևանի քաղաքապետարանի տեղեկատվության և հասարակայնության հետ կապերի վարչություն