Վրաստանի նախագահ Սաակաշվիլին ատում է, երբ խմում են իր կենացը

Վրաստանի նախագահ Միխայիլ Սաակաշվիլին ամենից շատ ատում է, երբ խմում են իր կենացը: Այս մասին նախագահը հայտարարել է «Ռուսթավի-2» հեռուստաընկերության ուղիղ եթերում տված հարցազրույցի ժամանակ:

«Հանրության մեծ մասը չի ցանկանում այնպիսի մարդ տեսնել, ով հեծանիվ է քշում, ինչպես ես, այլ ուզում է հոր կամ հոգատար պապիկի տեսքով մեկին, ով նստած է վերևում և ցուցումներ է տալիս այնտեղից: 

Մեր հանրության մեծ մասը դեռևս մի քանի տարի առաջ և մինչև հիմա էլ, ցավոք սրտի, ցանկանում է ոչ թե ինձ պես մարդու, ով կարող է ոտքով քայլել, ինչպես սովորական մարդը, կամ հեծանիվ քշել, սրճարանում նստել քո կողքի սեղանին, այլ մեկին, ով պատկառելի հայր է կամ պապ, ով նստում է ինչ-որ մի բարձր լեռան գագաթին և հսկում բոլորին: Ընկեր կամ գործընկեր նրանք չեն ուզում: Նրանք ուզում են Շևարդնաձեի նման մեկին, ում սիրով պապիկ էին անվանում: Ես հրաժարվում եմ այդ ամենից, և ինձ խելագարի տեղ են ընկալում, թե՝ տեսեք՝ գիժը հեծանիվ է քշում: Ես ոչ ոքի հայրը կամ պապը լինել չեմ հավակնում: Ես չեմ կարող նույնիսկ ասել, թե իմ սեփական երեխաների համար լավ հայր եմ, ուր մնաց՝ հայր լինեմ մի ողջ ազգի համար: Այստեղ խոսքն այն մասին է, որ ես ձեզնից մեկն եմ, ժողովրդի միջից: Բնականաբար, իմ պատասխանատվությունն ավելի շատ է, սակայն ինչի մենք հասնում ենք, հասնում ենք միասին: Եվ եթե ինչ-որ տեղ սխալներ ենք թույլ տալիս, դարձյալ անում ենք դա միասին։ Իհարկե, իմ պատասխանատվության բաժինն ավելի մեծ է: Սակայն մենք միասին պիտի կիսենք այդ պատասխանտվությունը»,-ասել է նախագահը: