Մարսն անցյալում շատ չէր տարբերվում Երկրից. NASA
Գիտություն և Մշակույթ
Գիտնականները ենթադրում են, որ Կարմիր մոլորակն անցյալում կյանքի համար լիովին պիտանի է եղել: Այդ մասին է վկայում ամերիկյան տիեզերական գործակալության՝ NASA-ի վերլուծական զեկույցը, որը կազմվել է Curiosity մարսագնացի հավաքած տեղեկությունների հիման վրա:
Անցյալում Մարս մոլորակի մակերեսը տաք և խոնավ է եղել, իսկ մթնոլորտը աչքի էր ըկնում առավել խտությամբ: Սակայն ապացուցելու համար, որ Մարսի վրա կյանք է եղել, այս տվյալները բավական չեն:
Ավելի վաղ գիտնականները հայտնում էին, որ երկրորդ մարսագնաց Opportunity-ն Մարսի կավե շերտերում հայտնաբերել է չեզոք թթվայնությամբ քաղցրահամ ջրի հետքեր:
Ավելի վաղ հնարավոր է եղել ապացուցել միայն այն, որ Մարսի վրա երբևէ բարձր թթվայնությամբ ջուր է եղել: Գիտնականները կարծում են, որ հայտնաբերված կավի շերտը ձևավորվել է թթվայնության չեզոք ցուցիչով քաղցրահամ ջրերում: Այս մարսագնաց առաքելության համար պատասխանատու գիտնական Սթիվ Սքվայերսի խոսքերով՝ Կարմիր մոլորակի ջուրը ժամանակին խմելու համար պիտանի է եղել:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
