Հրաչյա Հարությունյանի էքստրադիցիան պետք է կատարվի օր առաջ

«Ընդդեմ իրավական կամայականության» հ/կ նախագահ, ՀՀ առաջին օմբուդսմեն Լարիսա Ալավերդյանը անդրադառնալով Հրաչյա Հարությունյանի դեպքին և պատասխանելով հարցին, թե ինչ պետք է անեինք մենք, որ չարեցինք նրան օգնելու համար, բացի ՄԻՊ Կարեն Անդրեասյանի Մոսկվա կատարած այցից՝ ասել է.

«Միայն դա չէ: Որքանով ես տեղյակ եմ, իրեն այցելեցին մեր դեսպանատան ներկայացուցիչները, դեսպանը հանդիպեց իրենց արտգործնախարարի հետ, դեսպանը խոսեց և այլն: Պետք է նշանակություն չտալ Կարեն Անդրեասյանի նամակին, այսպիսի վիճակում այդ անձնավորության համար մեկ այցելությունը, մեկ լուրը արժե մի կյանք: Իսկ հիմա, ես կարծում եմ, Հրաչյա Հարությունյանի պաշտպանության խնդիր է դրված»:

Հարցին, թե կհաջողվի՞ նրան տեղափոխել Հայաստան, թե ոչ, տիկին Ալավերդյանը պատասխանել է. «Ես կարդացի, որ տեղափոխումը հնարավոր է միայն դատավճռից հետո, այդպիսի դեպքերում, պրակտիկան դա է ցույց տալիս, որ դատավարությունը պետք է գնա այնտեղ, որտեղ դեպքը կատարվել է, բայց ընդհանուր առմամբ, արտահանձնումը' տեղափոխումն է հենց դատական գործընթացի ժամանակ, և ես կարծում եմ, որ դա պետք է արվի օր առաջ:

Մանրամասները՝ «Առավոտ»-ի այսօրվա համարում: