«Ռազմավարությունն է՝ ընտանիքի քայքայում» (տեսանյութ)

2013թ. մայիսի 20-ին Հայաստանի Հանրապետության Ազգային ժողովը երրորդ ընթերցմամբ` 108 կողմ, 1 դեմ և 8 ձեռնպահ քվեարկությամբ, ընդունեց «Կանանց և տղամարդկանց հավասար իրավունքների և հավասար հնարավորությունների ապահովման մասին» ՀՀ օրենքը, ինչը վավերացվեց ՀՀ նախագահի կողմից սույն թվականի հունիսի 11-ին:

Սույն օրենքն ամրագրում է գենդերը որպես «տարբեր սեռի անձանց՝ ձեռքբերովի, սոցիալապես ամրագրված վարք» սահմանումը, ինչը իրավական ձևակերպում է տալիս սեռին՝ որպես ձեռքբերովի վարք՝ սկիզբ դնելով համասեռամոլության և այլ բազմաթիվ սեռական այլասերվածությունների օրինականացմանը:

2013թ. ՀՀ Մարդու իրավունքների պաշտպանի աշխատակազմի հեղինակած «Խտրականության դեմ» օրինագիծը Ազգային Ժողովի կողմից ընդունման և ՀՀ նախագահի կողմից վավերացման գործընթացի փուլում է:

Սույն օրենքն արդեն իսկ հանդիսանալու է իրավական «սուր և վահան» բազմագենդերային աղետալի գաղափարախոսության դեմ պետական, տեղական ինքնակառավարման մարմինների, պաշտոնատար անձանց, ֆիզիկական և իրավաբանական անձանց կողմից որևէ
իրավական և բարոյական քննադատության և կեցվածքի դրսևորման:

«Համահայկական ծնողական կոմիտե»

Ստորև ներկայացնում ենք տեսանյութ, որտեղ 2013-ի հուլիսին Ազատության հրապարակում կազմակերպվել է «Կյանքն ինչպես որ կա. գենդերային դերեր» ֆորում-թատրոն՝ աղջիկների մասնակցությամբ:

Ըստ «Համահայկական ծնողական կոմիտե»-ի՝ գաղափարախոսությունը ենթադրում է ստեղծել կառավարվող էակներ, որոնք փոխելու են իրենց սեռը՝ տղամարդ լինի, թե՝ կին, թե՝ խառը տեսակներ, այն է՝ անդրսեռայիններ, անդրագիններ, երկսեռներ, անսեռներ, համասեռներ: Այս բոլորը գենդերի տարատեսակներ են:

Հայաստանում գործում են 5000-ից ավել հասարակական կազմակերպություններ, որոնցից 3700-ը զբաղված են «գենդերային» քարոզչությամբ: