Խառնաշփոթ՝ Սբ. Սարգիս եկեղեցու մոտ. պատռել են Վահրամ սարկավագի հագուստը
Հայաստան
Այսօր Սուրբ Սարգիս եկեղեցու մոտ մեկնարկեց բողոքի ակցիա՝ ի պաշտպանություն Արարատյան թեմի «Արարատ» երիտասարդաց միության նախագահ Տեր Հակոբ քահանա Խաչատրյանի:
Արարատ միության անդամները Վահրամ սարկավագի օգնությամբ, ով նույնպես ակցիայի մասնակիցների շարքերում էր, փորձել են այնտեղ բարձրախոսներ տեղադրել, սակայն Արարատյան թեմի սպասավորները Վահրամ սարկավագի հետ վիճաբանության մեջ են մտել. քաշքշուկի հետևանքով պատռվել է վերջինիս հագուստը։
Նշենք նաև, որ ավելի վաղ լուրեր տարածվեցին, որ Արարատյան թեմի առաջնորդական փոխանորդ Նավասարդ արքեպիսկոպոս Կճոյանն աշխատանքից ազատել է Արարատյան թեմի Արարատ երիտասարդաց միության նախագահ Տեր Հակոբ քահանա Խաչատրյանին:
Ըստ լուրերի՝ պատճառը հուլիսի 7-ին Հ 2 հեռուստաընկերությամբ եթեր հեռարձակված «Չէին սպասում» հաղորդման ժամանակ ֆոտոլրագրող Գագիկ Շամշյանի մի արտահայտությունն է եղել՝ «Տեր Հակոբը 1000 Կճոյան արժի»։ Մեր տեղեկություններով՝ Կճոյանն անձամբ այս հաղորդումը չի նայել, նրան տեղյակ են պահել:
Հիշեցնենք նաև, որ Արարատյան թեմն ավելի ուշ հանդես էր եկել հայտարարությամբ, որ Տեր Հակոբը ոչ թե ազատվել է հոգևոր սպասավորությունից, ոչ թե կարգալույծ է արվել, այլ սեփական դիմումի համաձայն տեղափոխվել է Երևանի Սբ. Երրորդություն եկեղեցի՝ իր ծառայությունն այնտեղ իրականացնելու համար:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
