50 դրամը մեկ հացի ուղիղ կեսն է. Ալեն Սիմոնյանը շարունակում է անվճար տեղափոխել քաղաքացիներին (տեսանյութ)

Ինչպես ավելի վաղ հայտնել էր Լուրեր.com-ը, արդեն 3-րդ օրն է, ինչ Երևանում անցկացվում է «Չեմ վճարելու 150 դրամ» ակցիան։ Երեկ ակցիային են միացել նաև Հայկ Մարությանը (Կարգին Հայկո), Ալեն Սիմոնյանը և նրանց ընկերները։

Նրանք իրենց մեքենաներով քաղաքացիներին տեղափոխում էին մայրաքաղաքի տարբեր ուղղություններով։

Այսօր վերջիններիս են միացել նաև Պետրոս Ղազարյանը, Արթուր Իսպիրյանը և ԱԺ պատգամավոր Նիկոլ Փաշինյանը։

Ալեն Սիմոնյանը, մեզ հետ զրույցում անդրադառնալով հարցին, թե քաղաքացիներին հորդորո՞ւմ է 100 դրամ վճարել 150-ի փոխարեն, ասաց.

«50 դրամը մեկ հացի ուղիղ կեսն է, իսկ մենք այսօր հացի խնդիր ունեցող երկիր ենք: Ու մարդկանց ասել` գիտես ինչ, դու հացիդ ուղիղ կեսը պետք է տաս պետությանը, որ որոշ մարդիկ գերշահույթներ ունենան ու տարբեր մեքենաներով թիկնապահներով շրջեն, կարծում եմ` անիմաստ է»: 

Մանրամասները՝ Լուրեր.com-ի պատրաստած տեսանյութում: