«Քաղաքում» սերիալից Էմիլ և Անաիս. Սիրավե՞պ, թե՞ ընկերություն (ֆոտո)

ArmStar.am-ին տեղեկություններ էին հասել այն մասին, որ դերասանուհի Անաիս Սադարյանը և դերասան Էմիլ Գալստյանը, ովքեր միասին հանդես են գալիս «Շանթ» հեռուստաընկերության «Քաղաքում» սերիալում, ընկերություն են անում: Խոսքը սիրային կապի մասին է: Անաիսը մարմնավորում է Անուշիկի կերպարը, իսկ Էմիլը` Համբարձումի:

Այս լուրը ArmStar.am-ը փորձեց ճշտել անձամբ դերասաններից: Մեր առաջին զրույցը եղավ Անաիսի հետ. «Ո'չ, ես և Էմիլը կոլեգաներ ենք»: Մեր այն հարցին, թե միայն կոլեգաներ են, Անաիսը պատասխանեց. «Չէ, մենք շատ լավ ընկերներ ենք,մինչև սերիալն էլ էինք շատ մտերիմ, այնպես որ սխալ լուրեր են պտտվում»,- պարզաբանեց Անաիս Սարդարյանը:

Էմիլ Գալստյանի տեսակետն այս հարցի շուրջ պարզելու համար, զրուցեցինք նաև նրա հետ: Հարցը նույնն էր` «Դուք և Անաիս Սարդարյանը միասի՞ն եք».

«Այսօր տարբեր լուրեր են պտտվում… Ամեն դեպքում, եթե հարցնում եք, ես կհերքեմ, չկա այդպիսի բան: Մեր մեջ զուտ ընկերական հարաբերություններ են, և հետո ոչ ոքի չպիտի հետաքրքրի մեր անձնական կյանքը: Միասին ենք, միասին չենք…»:

Մեր այն հարցին, թե երբ են ձևավորվել այդ ընկերական հարաբերությունները` սերիալում աշխատելու ժամանակ, թե դեռ դրանից էլ առաջ, Էմիլը պատասխանեց. «Չէ, սերիալում աշխատելու ընթացքում ենք ընկերացել»:

Էմիլն ու Անաիսը տվյալ դեպքում, ինչպես ասում են, խոսքները մեկ էին արել, միայն մեկ տարբերությամբ: Ի վերջո չհասկացանք՝ նրանք մինչև սերիա՞լն էին ծանոթ ու մտերիմ, թե սերիալում խաղալուց ի վեր: Ինչևէ, հետևությունները թողնում ենք ձեզ: