Ազատամարտիկները ժամանակավորապես դադարեցնում են իրենց նստացույցը
Հայկական Մամուլ
Երեկ ազատամարտիկները հայտարարեցին, որ ժամանակավորապես դադարեցնում են իրենց նստացույցը: Ազատամարտիկ Վոլոդյա Ավետիսյանը «Ժողովուրդ»-ի հետ զրույցում ասաց. «Մենք նստացույցից դուրս ենք գալիս, միայն փոխգնդապետ Խաչիկ Ավետիսյանը կշարունակի իր հացադուլը: Հիմա գնում ենք, շրջելու ենք տարբեր շրջաններում, հանդիպելու ենք մյուս ազատամարտիկներին: Պայքարը շարունակելու ենք: Առաջիկա անելիքների մասին համապատասխան հայտարարությամբ հանդես կգանք: Իսկ կազմված հանձնաժողովի հետ մենք գործ չունենք»:
Հիշեցնենք, որ ՀՀ պաշտպանության նախարարությանը հանձնարարվել էր որպես մարտական գործողությունների ժամանակահատված սահմանել 1989-1994 թվականները` ներկայումս գործող 1990-1994թթ. փոխարեն, ՀՀ սահմանների պաշտպանության մարտական գործողությունների մասնակցի կարգավիճակ տալու ներկայումս գործող ընթացակարգը փոփոխել եւ ՀՀ ՊՆ-ում, ազգային անվտանգության ծառայությունում ու ոստիկանությունում գործող համապատասխան գերատեսչական հանձնաժողովների փոխարեն ստեղծել միջգերատեսչական հանձնաժողով: Ի դեպ, վերջերս ՀՀ Ազգային ժողովի կողմից ընդունված «Երկրապահ կամավորականի կարգավիճակի մասին» օրենքն այդքան էլ չի գոհացնում ազատամարտիկներին:
Մանրամասները` «Ժողովուրդ»-ի այսօրվա համարում:
ՈՒՂԻՂ ԵԹԵՐ
Ամենադիտված 
«Ես կպատմեմ, թե ինչպես է եղել». Միլենա Պետրոսյանը 2 շաբաթ անց խախտել է լռությունը
