Մայքլ Ջեքսոնի մայրը դատարանում հայտարարել է, որ իր որդին չի չարաշահել ցավազրկող դեղամիջոցները

Հանգուցյալ փոփ երգիչ Մայքլ Ջեքսոնի մայրը՝ Քեթրին Ջեքսոնը, իր որդու վերջին համերգաշրջանի կազմակերպիչների դեմ հայցի շրջանակներում դատարանի դահլիճում հայտարարել է, որ իր որդին ուժգին ազդեցության դեղամիջոցները երբեք չի չարաշահել. տեղեկացնում է reuters-ը:

Քեթրին Ջեքսոոնը 2010 թ.-ին Լոս Անջելեսի դատարան հայց էր ներկայացրել՝ մեղադրելով AEG Live կազմակերպությանը՝ Քոնրադ Մյուրեյին որպես Մայքլ Ջեքսոնի անձնական բժիշկ ընտրելու հարցում ցուցաբերած անփույթ վերաբերմունքի համար: 

Հայցի դիմաց մայրը պահանջում է 40 մլն դոլար փոխհատուցում: 

Երդվյալների առջև ելույթ ունենալով՝ Ջեքսոնը հայտարարել է, որ լսել է ուժգին ազդեցության ցավազրկողներ օգտագործելու՝ իր որդու հակումների մասին, սակայն երբեք ինքը իր որդուն չի տեսել հարբած կամ այդ դեղերի ազդեցության տակ: