«Գծատերերի ներկայացուցիչները փորձում են խոչընդոտել ակցիաները»

Շարունակվում է «Չեմ վճարելու 150 դրամ» ակցիան։

Այս պահին Ֆրանսիայի հրապարակից բազմաթիվ մեքենաներ քաղաքացիներին անվճար տեղափոխում են քաղաքի տարբեր ուղղություններով։ Նրանց թվում են նաև Անի Քոչարը, Լալա Մնացականյանը, Հայկոն և այլք։ 

Նշենք, որ այստեղ են հավաքվել քաղաքացիներ, ովքեր ինչ-որ կերպ անընդհատ փորձում են խոչընդոտել ակցիան: Ակտիվիստները տեսակետ են հայտնում, որ այդ մարդիկ գծատերերի ներկայացուցիչներն են։

Վերջիններս քիչ առաջ մեծ աղմուկ բարձրացրին՝ ասելով, թե ակտիվիստներից մի կին հայհոյել է իրենցից մեկին։

Lurer.com-ի հետ զրույցում կինն ասաց, որ իր դաստիարակությունը թույլ չի տա՝ ինքը հայհոյանքներ արտասանի. տղամարդը ստում է՝ ավելորդ լարվածություն առաջացնելու համար։