Բերման են ենթարկվել ակտիվիստները. ցուցարարները չեն հեռանա, քանի դեռ նրանց չեն ազատել

Այս պահի դրությամբ Կենտրոնի ոստիկանությունում են գտնվում Գևորգ Սաֆարյանը, Վիլեն Գաբրիելյանը, Դավիթ Հարությունյանը, Մաքսիմ Սարգսյանը, Արեգ Գևորգյանը և Սարգիս Գևորգյանը: Նրանց մոտ կան փաստաբաններ և ՄԻՊ-ից ներկայացուցիչ:

Քաղաքապետարանի մոտից ցուցարարները, ովքեր պահանջում են չեղյալ համարել տրանսպորտի գնի բարձրացման մասին որոշումը, երթով շարժվել են ոստիկանության Կենտրոնի բաժանմունք, որպեսզի սատարեն ոստիկանություն բերված ակտիվիստներին:

Նշենք, որ ակտիվիստները հայտարարել են, որ չեն հեռանա Ոստիկանության Կենտրոնի բաժանմունքի դիմացից, քանի դեռ իրենց ընկերներին չեն ազատել: