«Բանակում»-ի Վարոսի կինը՝ իրենց ամուսնության մասին (ֆոտո)

Դերասաններ Լուսին Վարդանյանն ու Վահագն Խաչատրյանն ամուսնացան ապրիլ ամսին:

Երևանի Հրաչյա Ղափլանյանի անվան դրամատիկական թատրոնի դերասանուհին Bravo.am-ի հետ զրույցում նշել է, որ ամուսնացած կնոջ կարգավիճակում իրեն լավ է զգում:). «Այս երեք ամսվա ընթացքում ամենամեծ փոփոխությունն իմ ապրելավայրի` տան փոփոխությունն է: Մնացած հարցերում կտրուկ տարբերություններ չկան, որովհետեւ Վահագնին ու իր ընտանիքին երկար ժամանակ է' ճանաչում եմ: Հիմա բոլորս միասին ենք ապրում, բայց մի քանի տարի հետո միգուցե առանձնանանք»:

Լուսինն այս շրջանում հիմնականում զբաղված է կենցաղային գործերով. «Միշտ եմ դրանցով զբաղվել: Ես ու սկեսուրս միմյանց չենք ճնշում, չենք լարվում, որ պահին ում հարմար լինի, նա էլ լինում է խոհանոցում»:

Դերասան-ամուսիններն այժմ ստեղծագործական դադար են վերցրել. ամռան ընթացքում չեն աշխատի, սակայն դեռ չեն որոշել որտեղ հանգստանալ. «Ամենակարեւորը լավ լիցքաթափվենք: Ինձ համար ավելի նախընտրելի է ծովափը, որտեղ կարող եմ ժամերով մնալ ու չձանձրանալ: Իմ հայրական տանը լողավազան ունենք, փոքր տարիքից լողում եմ ու շատ եմ սիրում ջուրը: Երբեմն Վահագնի հետ գնում ենք մեր տուն եւ ամռան շոգից զովանալու համար մեր լողավազանում ենք լողում»,-պատմել է դերասանուհին: