Սուրեն Մկրտչյանը Արաս Օզբիլիսի՝ «Սպարտակ» հնարավոր տեղափոխության մասին
Սպորտ
«Կուբանի» տնօրենների խորհրդի անդամ Սուրեն Մկրտչյանը մեկնաբանել է ԶԼՄ-ներում տարածված տեղեկություն՝ համաձայն որի Արաս Օզբիլիսը մոտակա ժամանակներս, հնարավոր է, տեղափոխվի Մոսկվայի «Սպարտակ»:
«Օզբիլիսի «Սպարտակ» հնարավոր տեղափոխության մասին ինձ ոչինչ հայտնի չէ: Այս խոսակցությունները առաջանում են, քանի որ Օզբիլիսը հմուտ խաղացող է, և իրեն շատ վառ է դրսևորում «Կուբանում»: Տարբեր ակումբների կողմից հետաքրքրություն կա։ Այո՛, դա իսկապես այդպես է: Սակայն «Կուբանը» ցանկանում է ամեն ինչ անել, որ Օզբիլիսը մնա թիմում:
Ֆուտբոլիստի՝ թիմից հեռանալու ցանկության մասին նույնպես ոչինչ չգիտեմ: Կարծում եմ՝ եթե խաղացողը կորցրել է թիմում խաղալու մոտիվացիան և այլ թիմ տեղափոխվելու մեծ ցանկություն ունի, ապա նա այդքան վառ չի խաղա: Ոչ մեկին հարկադրաբար թիմում չենք պահի: Դա ճիշտ չի լինի: Սակայն մենք հույսեր ենք կապում Օզբիլիսի հետ: Եթե վաղը մենք որևէ ցնցող առաջարկ ստանանք, և ֆուտբոլիստը կցանկանա տեղափոխվել, իսկ առաջարը կբավարարի նաև մեզ, ապա ֆինանսական և մարզական տեսանկյունից՝ սխալ կլինի հրաժարվել առաջարկից: Սակայն այսօր Օզբիլիսը մեզ համար կարևոր խաղացող է։ Այդ պատճառով էլ ցանկանում ենք, որ նա մնա մեր թիմում»,- Մկրտչյանի խոսքերը մեջբերում է Р-Спорт-ը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
