«Free car»-ին միացել են Արամ MP3-ն, Թինա Քեյը, Նարբե Պողոսյանը և Աստղիկ Ալավերդյանը. (լուսանկարներ)

Մայրաքաղաքում շարունակվում է բողոքի ակցիան ուղղված տրանսպորտի թանկացման դեմ: Այս ընթացքում հայկական շոու բիզնեսի ներկայացուցիչները կրկին անվճար տեղափոխում են քաղաքացիներին: Արդեն այսօր նրանց են միացել կամավոր քաղացիներ իրենց մեքենաներով: Օրվա երկրորդ կեսին Free car -ի մասնակիցների շարքերը համալրեցին Վիտամին ակումբի Արամ mp3–ին, Վաչեն, ակրոբատ Թինա Քեյը և «Ընտանեկան պատմություններ» հաղորդման հաղորդավարներ Նարբե Պողոսյանը և Աստղիկ Ալավերդյանը: Վաչեն իր մեքենայով ուղևորներին 2-րդ մասիվ-կենտրոն, 16-րդ թաղամաս-կենտրոն էր տեղափոխում:

Քաղաքացիների վանկարկումները ավելի էր ուժգնանում, երբ որևէ ուղևոր փորձում էր 150 վճարել: Մարդիկ թռուցիկներ էին բաժանում' հորդորելով չվճարել ավել գումար, անգամ արդեն կատակով ասում էին «դրամը վարորդին, շան պոչը գծի տիրոջը» կամ «Հավատա ուժերիդ, վճարիր 100 դրամ»:

ArmStar.am-ը հետևել է քաղաքի անցուդարձին և ներկայացնում է ֆոտոշարք:

Տեքստը` Սիրանուշ Գրիգորյանի /ArmStar.am/

Լուսանկարները՝ Գրիգոր Ասատրյանի /ArmStar.am/