Հաշմանդամները` ԱԻՆ ընտանիքի լիարժեք անդամներ (լուսանկարներ)

Այսօր ՀՀ արտակարգ իրավիճակների նախարար Ա. Երիցյանն ընդունել է աշխատանքի համար նախարարությանը դիմած 10 սայլակավոր հաշմանդամի։ Վերջիններս հարցազրույցի արդյունքներով անցել են մրցույթի հաջորդ փուլ և մեկ ամիս փորձաշրջան պիտի անցնեն նախարարությունում, որի ընթացքում պիտի ծանոթանան աշխատանքի նրբություններին։

Անհատապես ծանոթանալով յուրաքանչյուրի պատմությանը՝ կրթություն, նախասիրություններ ու կարողություններ, ԱԻ նախարարն ասաց.
- Աշխատանքի անցնելով ԱԻ համակարգում՝ դուք դառնալու եք մեր ընտանիքի լիարժեք անդամ, ենթարկվեք ներքին կարգուկանոնին, պատվով կրեք փրկարարի համազգեստը և մյուսներին հավասար աշխատեք։ Դուք ներգրավվելու եք մեր բոլոր միջոցառումներին՝ լինի դա ուսումնավարժություն, գիտաժողով, տոնական շքերթ, թե վերապատրաստման դասընթաց։Առաջին իսկ հնարավորության դեպքում գործուղվելու եք արտերկիր՝ մասնակցելու տարբեր սեմինարների, որտեղ նույնպես պիտի արժանապատիվ ձևով ներկայացնեք մեր երկիրն ու նախարարությունը։

Անկաշկանդ ու անմիջական մթնոլորտ

տում ընթացող հանդիպմանը հաշմանդամները հնարավորություն ունեցան իրենց հետաքրքրող հարցերն ուղղել ԱԻ նախարարին ու բարձրացնել իրենց հուզող խնդիրները' կապված տրանսպորտի, սայլակների նորոգման հետ։

Առաջարկություն եղավ ստեղծել հաշմանդամների բասկետբոլի կամ որևէ այլ մարզաձևի թիմ, որը կարող է պարապմունքներ անցկացնել նախարարության շենքի մարզադահլիճում և մասնակցել տարբեր մրցումների։ Այս գաղափարը հավանության արժանացավ ԱԻ նախարարի կողմից։ Ա. Երիցյանը շեշտեց, որ իրեն կարող են դիմել ցանկացած հարցով և բոլոր լավ նախաձեռնությունների ժամանակ մշտապես կանգնած է լինելու հաշմանդամություն ունեցող անձանց կողքին։

Տեղում նախարարը հանձնարարական տվեց հնարավորինս արագ լուծել համազգեստի, սայլակների նորոգման, փոխարինման ու հաշմանդամների համար նախատեսված տրանսպորտի խնդիրները։ ՀՀ ԱԻ նախարարությունում հաշմանդամություն ունեցող անձանց համար արդեն կա 30 աշխատատեղ, ներկայումս 15 մարդ աշխատում է, իսկ նոր աշխատակիցների ընտրությունը շարունակվում է: