Ուրախացնող համերաշխություն է տիրում քաղաքում. Արմեն Աշոտյան (տեսանյութ)

«Ուրախացնող համերաշխություն է տիրում քաղաքում։ Հանրային ընկալումների շրջանակն ինձ համար ուրախացնող է և ընդունելի», - այսօր լրագրողների հետ ճեպազրույցում ասաց ՀՀ ԿԳ նախարար Արմեն Աշոտյանը: Նրա խոսքերով՝ միասնականությունն ու փոխօգնության մթնոլորտը լրացուցիչ հմայք են հաղորդել Երևանին: Ինքը բարի նախանձով է նայում այն մարդկանց, ովքեր ունեն սեփական ավտոմեքենա»։

«Երևանցին և Երևանի քաղաքապետը հաստատ իրար հետ լեզու կգտնեն, հետևաբար մնացյալ բոլոր տապալված շարժումներն անտեղի են ի սկզբանե: Պետք է նաև գովեստի խոսքեր ասեմ հանրային հասարակական ակտիվիստներին ոչ միայն նախաձեռնության համար, համերաշխություն ստեղծելու համար, այլ նաև՝ կտրուկ արձագանք տալու բոլոր այն նկրտումներին, որոնք քաղաքականացման շարժում օգտագործելու, քաղաքական դիակների վերակենդանացման փորձեր էին հիշեցնում», - ասաց Աշոտյանը: