Գնդակին տիրելու առումով «Բարսան» պարտվեց վերջին 5 տարվա մեջ առաջին անգամ

Կատալոնական «Բարսելոնան» երեկ «Բավարիայի» հետ խաղում, ինչպես արդեն տեղեկացրել ենք, պարտվել է 2:0 հաշվով:

Կատալոնյան ակումբը մրցակցին զիջել է նաև գնդակին տիրելու տոկոսային հարաբերակցությամբ:

Ամբողջ խաղի ընթացքում «Բարսելոնայի» ֆուտբոիստները գնդակին տիրել են խաղային ժամանակի 45%-ը, մյունխենյան թիմի ֆուտբոլիստները` 55 %-ը:

Արդյունքում` «կապտանռնագույնները» վերջին 5 տարիների ընթացքում առաջին անգամ մրցակցին զիջում են գնդակին տիրելու տոկոսային հարաբերակցությամբ:

Վերջին անգամ կատալոնացիները զիջել են «Ռեալին» 2008-ի մայիսի 8-ին. տեղեկացնում է AS-ը: