«Ազգ». Ազատամարտիկների նստացույց նաև Գյումրիում

Գյումրու Թատերական հրապարակում հուլիսի 25-ից նստացույց են անում մի խումբ ազատամարտիկներ: Նրանցից մի մասը եկել է Երեւանի Ազատության հրապարակից, որտեղ իրենց սոցիալական պահանջներով բողոքի ցույց են անում արդեն երկու ամիս, մյուսներն էլ արցախյան ազատամարտի նրանց միացած շիրակցի մասնակիցներ են: Պահանջներն ու կարգախոսները, դատելով կողք կողքի շարված թղթե պաստառների գրություններից, հիմնականում արդեն հայտնի են' զոհվածների ընտանիքներին, պատերազմի մասնակիցներին, զինծառայողներին' արժանապատիվ կենսաթոշակ, պատշաճ պետական հոգածություն, արժանապատիվ վերաբերմունք ու կյանքի պայմաններ ազատամարտիկներին:

Իրենց կարծիքովՙ անտեսված վիճակը, որում այսօր գտնվում են, ազատամարտիկները վտանգավոր են համարում նրանով, որ երիտասարդներն իրենց տեսնելով' այլեւս չեն ցանկանա հարկ եղած դեպքում գնալ երկիրը պաշտպանելու: «Անցյալը ուրացողն ապագա չունի»,- սա է նստացույցի մասնակիցների կարգախոսներից մեկը:

Առավել մանրամասն՝ «Ազգ»-ի այսօրվա համարում