Լարված մթնոլորտ «Հայինկասացիա»-ում

«Հայինկասացիա» ՓԲԸ-ի Երեւանի բաժնում տեւական ժամանակ է՝ կոնֆլիկտ է խմորվում ընդդեմ ղեկավարի: Վերջին շրջանում իրավիճակն ավելի է լարվել:

«Հրապարակ»-ին հասած տեղեկություններով, պատճառներից մեկն էլ այն է, որ «Հայինկասացիայի» որոշ աշխատակիցներ չեն ստացել իրենց պարգեւատրումները, մասնավորապես դժգոհություն կա անվտանգության պետից՝ Աշոտ Առաքելյանից, ով ԿԲ ղեկավար Արթուր Ջավադյանի փեսայի եղբայրն է: Առաքելյանը հայտնի է իր գողական կեցվածքով, ումից «պրեմիա» պահանջելն այդքան էլ հեշտ գործ չէ: Նշենք նաեւ, որ «Հայինկասացիայի» Երեւանի պետ Գարեգին Միքայելյանը նախկինում դատված է եղել, ինչը, սակայն, չի խոչընդոտել նրա կարիերային: Երեւան է տեղափոխվել վերջին 2 տարվա ընթացքում, մինչ այդ աշխատել է այլ համայնքում: Նշենք, որ օրեր առաջ Միքայելյանը սկանդալային պատմության մեջ էր հայտնվել: Լրատվամիջոցներում լուր տարածվեց, որ նա իր ընտանիքի անդամների հետ ծեծկռտուքի մեջ էր ընկել հարեւաների հետ վիճաբանության ժամանակ: Սակայն հետո պարզաբանում էր ներկայացրել, թե ընդամենը կանացի վիճաբանություն է եղել Ալավերդու իրենց բնակարանը ջուր լցնելու պատճառով, որին ինքը չի մասնակցել:

Առավել մանրամասն՝ «Հրապարակ»-ի այսօրվա համարում