Ներսիկ Նազարյանի դուստրն ու նրա նշանածը դատարանում էին

Երեւանի նախկին ոստիկանապետ Ներսիկ Նազարյանի դստերն ու նրա նշանած Արթուրին' ԲՀԿ-ական պատգամավոր Աբրահամ Մանուկյանի որդուն, երեկ տեսել են Կենտրոնի դատարանում:

«Հրապարակ»-ին հաջողվեց պարզել, որ զույգը մասնակցել է Արթուրի ընկեր Դավիթի դատական նիստին: Պարզվում է՝ մարտի 26-ին «Մոսկվիչկա» սուպերմարկետի դիմացից ոստիկանության աշխատակիցները, խուզարկելով «Hyundai sonata» մակնիշի 08 ՍՍ 800 համարանիշի եւ «Bently» մակնիշի 08 ԼԼ 800 համարանիշի ավտոմեքենաները, հայտնաբերել են զենք եւ ձերբակալել վարորդներին։ «Bently»-ն հաշվառված էր Արթուր Աբրահամի Մանուկյանի, «Hyundai sonata»-ն՝ Հակոբ Աբրահամի Մանուկյանի անվամբ։

Նրանք Աբրահամ Մանուկյանի որդիներն են։ «Hyundai sonata»-ի ղեկին Արթուրի թիկնապահն է եղել՝ Դավիթ Մկրտչյանը, ում օրեր հետո ձերբակալեցին Քրեական օրենսգրքի 235-րդ հոդվածի 1-ին մասի հատկանիշներով' ապօրինի զենք պահելու համար: Ի դեպ նշենք, որ Արթուր Աբրահամյանն այդ ժամանակ ասել էր, որ մեքենան իր հետ կապ չունի, մինչդեռ երեկ նշանածի հետ մասնակցել է դատավարությանը:

Առավել մանրամասն՝ «Հրապարակ»-ի այսօրվա համարում