«Առավոտ». «Օդնոկլասնիկի» պատճառով կնոջը 10 անգամ դանակահարել է

Արթուր Չաքմիշյանը հուլիսի 15-ին վերադանալով Մոսկվայից Գյումրի, դեռ չէր հասցրել ընտանիքից կարոտն առնել, երբ հուլիսի 16-ին ոստիկանությունը նրան ձերբակալեց. Արթուրը, ինչպես պատմում են հարևաններն ու նրա մայրը, խանդի հողի վրա դանակով 10 անգամ հարվածել է կնոջը։

«Ի՞նչն է եղել Արթուրի խանդի առիթը, որ 5 և 1,5 տարկան երեխաների ծնողների միջև կոնֆլիկտը հասունացել է այն աստիճան, որ տղամարդը կիլոմետրեր է կտրել ու հասել Գյումրի՝ գրեթե մահվան դուռը հասցնելով կնոջը։

28-ամյա Արփինե Չաքմիշյանը ներկայումս Գյումրիի բժշկական կենտրոնում է, բժիշկներն ասում են, Արփինեն այնքան արյուն է կորցրել, որ ճնշումն իջել է 60/0։ «Հիմա վիճակը բավարար է, կազդուրվում է»։ Արփինեն հիվանդանոց էր տեղափոխվել հեմորագիկ շոկով։ Նա չցանկացավ զրուցել մեզ հետ»,-գրում է «Առավոտ»-ը:

Շիրակի մարզի ոստիկանության քննչական բաժնի պետ Ալբերտ Երիցյանը հաստատեց, որ սոցիալական ցանցն է եղել պատճառը։

Առավել մանրամասն «Առավոտ»-ի այսօրվա համարում