Այսօր ծագումով հայ ֆրանսիացի հայտնի կինոռեժիսոր Ֆրենսիս Վեբերի ծննդյան օրն է (տեսանյութ, ֆոտո)

Հայկական ծագում ունեցող ֆրանսիացի կինոռեժիսոր և սցենարիստ Ֆրենսիս Վեբերը (ֆրանսերեն՝ Francis Veber) ծնվել է 1937թ. հուլիսի 28-ին Ֆրանսիայի Նյուիլի-սյուր-Սեն քաղաքում:

Մի առիոթո Վեբերը ասել է, «Ես մելամաղձոտ եմ գուցե այն պատճառով, որ մայրս հայ է...»: Նրա ծնողները գրողներ են եղել` մայրը հայ, հայրը` հրեա:

«Երկու ցեղասպանություն և երկու Արցունքի պատ չեն կարող չազդել քո կյանքի վրա: Բեռը, որով աշխարհ ես գալիս, քեզ հետ մնում է մինչև գերեզման։ Եթե տխրելու հակված էություն ունես, դրախտ ընկնելիս էլ կթախծես»: «Հայ-հրեական արյունն առանձնակի դրոշմ է թողնում իմ ֆիլմերի վրա»,— ասում է Վեբերը,— «դրանցում էրոտիկ տեսարաններ երբեք չեն լինում, ես միշտ շփոթվում եմ, երբ տեսնում եմ, թե մարդիկ ինչպես են սեր անում։ Իսկ ընդհանրապես ես նախընտրում եմ ցույց տալ փոքր մարդու հաղթանակը»: 

Նկարահանել է բազմաթիվ նրբիմաստ կատակերգություններ: «Դուբլյոր» ֆիլմում նկարահանվել է էպիզոդիկ դերում։ Իր ամենավաղ աշխատանքները նկարահանել է Ֆրանսիայում։ XX դարի 90-ական թվականներին տեղափոխվել է ԱՄՆ մշտական բնակության համար:

Նրամ չի հրապուրել բժշկի մասնագիտությունը: Թողնելով բժշկի մասնագիտությունը, նա մեկնել է զինվորական ծառայության: Ծառայությունից հետո զբաղվել է լրագրությամբ: 60-ականների կեսերից սկսել է սցենարներ գրել:

1976 թվականին առաջին անգամ Պիեռ Ռիշարի մասնակցությամբ նկարահանել է իր առաջին ֆիլմը` «Խաղալիքը»: Ֆիլմը մեծ հաջողություն է բերել նրան: Այնուհետև նա Ժերար Դեպարտիե և Պիեռ Ռիշար աստղային զույգերի մասնակցությամբ նկարահանել է մի շարք կատակերգություններ` «Ձախողակները», «Հայրիկները», «Ընթրիք հիմարի հետ» և այլն:

Игрушка (фильм, 1976)