Րաֆֆի Հովհաննիսյանն ու իր կինը, Անի Քոչարը և այլք՝ «ՊՆ»-ի կիրակնօրյա պիկնիկին (ֆոտո)

Երեկ, ինչպես ամեն տարի, Ծաղկաձորի հանգստյան վայրերից մեկում Րաֆֆի և Արմինե Հովհաննիսյանների գլխավորությամբ հավաքվել էին «Պատանեկան նվաճումների» սաներն ու մի շարք հայտնի մարդիկ՝ ամփոփելու յոթօրյա ճամբարի արդյունքները:

Երիտասարդներդ ճամբաարականները մի լավ ուրախացան, երգեցին, պարեցին, հյուրերին ներկայացրին իրենց ձեռքի աշխատանքներով զարդարված սեղանները:

Ճամբարին մասնակցեցին վերոհիշյալ ծրագրին հաջողությամբ մասնակցած ավագ դպրոցների ավելի քան 100 լավագույն աշակերտներ, որոնք ծրագրի շնորհիվ հնարավորություն են ունեցել ձեռք բերելու տնտեսագիտական և ֆինանսական կայուն գիտելքիներ, ծանոթանալու կորպորատիվ սոցիալական պատասխանատվությանը և իրականացնելու հանրային բազմաբնույթ ծրագրեր: Ճամբարի մասնակիցները հնարավորություն ունեցան հանդիպելու գործարարների, քաղաքական և հասարակական գործիչների, դիվանագետների հետ: Հանդիպումները նպաստեցին նրանց տնտեսական-քաղաքական աշխարհայացքի և ազատ անհատին բնորոշ մտածելակերպի ձևավորմանը:- նշեց կազմակերպության գործադիր տնօրեն Արմինե Հովհաննիսյանը:

Իսկ հայտնինիները, որոնց թվում էին «Հայլուրի» մեկնաբան Քրիստինե Մելքոնյանը՝ ամուսնու հետ, «Անի Քոչար փրոդակշնի» տնօրեն Անի Քոչարը՝ ամուսնու և որդու՝ Դավթի հետ, «Միսս Հայաստան 1998» Գոհար Հարությունյանը՝ ընտանիքի հետ և այլք, ոչ միայն հետևեցին ճամբարի մասնակիցներին, այլև իրենք էլ վայելեցին կիրակին:

Չնայած որ Անին և Գոհարն իրենց փոքրիկների հետ էին, սակայն նրանց օրն էլ հետաքրքիր անցավ. Անին անընդհատ վազում էր տղայի՝ Դավթի հետևից, իսկ Գոհարենց ընտանեկան լուսանկարն այդպես էլ չստացվեց, քանի որ փոքրիկ Մենուան անընդհատ քաշում էր քույրերի մազերն ու նրանց լացացնում:

Րաֆֆի և Արմենուհի Հովհաննիսյանները տանտիրոջ իրավունքով մոտենում էին հյուրերին, հյուրասիրում, հարցնում, թե ինչի կարիք ունեն. պարոն Հովհաննիսյանը, ինչպես միշտ, շատ սիրալիր էր կնոջ հետ, անգամ համբուրեց տիկնոջը, որը մեր տեսախցիկը չհասցրեց ֆիքսել, և նրանք Անի Քոչարի խնդրանքով կրկնեցին այն :)

Չնայած եղանակն օրվա կեսից փոխվեց, բայց անձրևն էլ չխանգարեց հյուրերին ու մասնակիցներին օրն ուրախ ու բարձր տրամադրությամբ շարունակել:

Երեկոյան բոլորը հրաժեշտ տվեցին միմյանց՝ եկող տարի հանդիպելու ակնկալիքով:

Հ.Գ. Վերջին օրվա հրաժեշտի պիկնիկը, որին նաև մենք մասնակցեցինք շատ հաճելի տրամադրությամբ և մթնոլորտում էր. անմոռանալի օր ունեցանք Ծաղկաձորում, շնորհիվ Տիկին Արմինեի, նրա օգնական Սուսաննայի և հոգատար թիմի:

Հանդիպումը պատանի նվաճողների հետ հաճելի էր, մենք շատ լավ պատանիներ և երիտասարդներ ունենք և մեր նոր սերնդի մեջ էլ կան անհատականություններ, ովքեր երկրիս արժանի քաղաքացիներն են լինելու:

Պարզվեց, որ նրանց շարքերում շաաատ էին մեր ամսագրի երկրպագուները: Մեր ընթերցողների հետ բազում լուսանկարներ արվեց, որոնք նաև կտեսնեք մեր ներկայացրած լուսանկարներում: Հաճելի է, երբ մեր ստեղծած ամսագիրը կարդում են նման օրինակելի պատանիները:
Շոյված էինք շատ:

esyes.am