Թբիլիսիում անվանափոխում են Վարդերի հրապարակը

Վրաստանի մայրաքաղաք Թբիլիսիում Վարդերի հեղափոխության հրապարակը պատրաստվում են անվանափոխել. գրում է Грузия Online-ը՝ հղում կատարելով քաղաքային խորհրդի անդամ պատգամավոր Կախա Կուլավայի հայտարարությանը: 

Նրա խոսքերով՝ այդ հարցը քննարկվելու է առաջնահերթության կարգով:

«Հրապարակն անվանվելու է որևէ ավանդական, պատմական անունով: Մենք արդեն մի քանի տարբերակ ունենք»,-ասել է նա: 

Նշենք, որ Թբիլիսիի կենտրոնում գտնվող Վարդերի հեղափոխության հրապարակը գտնվում է Ռուսթավելի պողոտայի վերջում: Իր ներկայիս անվանումը հրապարակը ստացել է 2005-ին՝ Վարդերի հեղափոխությունից 2 տարի անց (այդ հեղափոխության արդյունքում իշխանության եկավ այն ժամանակ ընդդիմադիր Միխայիլ Սաակաշվիլին: Հեղափոխության անկյունաքարային իրադարձությունն իրենց ձեռքում վարդեր բռնած ընդդիմության կողմից խորհրդարանի շենքի գրավումն էր):

Նախքան այդ հրապարակը կրում էր Հանրապետության հրապարակ անվանումը: