Պաշտոնանկություն գործադիր իշխանությունում

Լավատեղյակ աղբյուրներից «ժողո­վուրդ»-ին հայտնի է դարձել, որ վարչա­պետ Տիգրան Սարգսյանի՝ նախօրեին կայացրած որոշման համաձայն՝ պաշ­տոնանկ է արվել «Գնումների աջակց­ման կենտրոն» ՊՈԱԿ-ի պետի ժամա­նակավոր պաշտոնակատար Արա Գյուրջյանը:

Այս փոփոխու­թյունները կառավարությունը գաղտնի էր պահում, որովհետև վարչապետի այդ որոշումների մասին ո՛չ պաշտոնական հաղորդագրություն է տարածվել, ո՛չ էլ կառավարության կայքում տեղեկու­թյուններ կան:

Այսօր ՀՀ ՖՆ տեղեկատվության և հասարակայնության հետ կապերի բաժինը հայտարարություն տարածեց, որում ասվում է.

«ՀՀ ֆինանսների նախարար Դավիթ Սարգսյանը օգոստոսի 2-ին «Գնումների աջակցման կենտրոն» պետական ոչ առևտրային կազմակերպության աշխատակազմին ներկայացրեց Արթուր Առաքելյանին` որպես կենտրոնի պետի նորանշանակ պաշտոնակատարի:

Ավելի վաղ` հուլիսի 31-ին, Հայաստանի Հանրապետության վարչապետի որոշումներով՝ Արա Գյուրջյանն իր դիմումի համաձայն՝ ազատվել էր այդ պաշտոնից, և «Գնումների աջակցման կենտրոն»-ի պետի ժամանակավոր պաշտոնակատար էր նշանակվել Արթուր Առաքելյանը, ով մինչ այդ ՊՈԱԿ-ի պետի տեղակալն էր»:

Հատկանշական է այն փաստը, որ «Գնումների աջակց­ման կենտրոն» ՊՈԱԿ-ի նոր պետի նշանակման մասին լուրն առաջինը տարածում է ՀՀ ֆինանսների նախարարությունը, այնինչ վարչապետի կողմից ցանկացած կադրային փոփոխությունների մասին տեղեկատվությունն առաջինը տեղադրվում է ՀՀ կառավարության պաշտոնական կայքում։