«Հրապարակ». Լեդի Հակոբի եղբորորդու նկատմամբ հետախուզում չի հայտարարվում

Հակոբ Հակոբյանի (Լեդի Հակոբ) եղբորորդու' Վարդան Հակոբյանի կողմից հուլիսի 27-ին ոստիկանական մեքենաները վնասելու փաստի առթիվ Ճանապարհային ոստիկանությունում նախապատրաստված նյութերը երեկ ուղարկվել են ոստիկանության Մալաթիայի բաժին: Ոստիկանության լրատվական բաժնից հաստատեցին այս լուրը: «Հրապարակ»-ի հարցին, թե Վարդան Հակոբյանի՝ փախուստի դիմելուց հետո ինչու հետախուզում չի հայտարարվում, լրատվականի աշխատակից Արմեն Մալխասյանը մեկնաբանեց նրա՝ տվյալ քրեական գործում մեղադրյալի կամ կասկածյալի կարգավիճակով ներգրավված չլինելու հանգամանքով:

Հիշեցնենք, որ հուլիսի 27-ին, երբ ոստիկանության աշխատակիցներն Անդրանիկ Զատիկյանի մահվան քրեական գործի շրջանակում գնացել էին խուզարկելու Լեդի Հակոբի եղբորորդու՝ Վարդան Հակոբյանի բնակարանը, վերջինս դիմել էր փախուստի, կոտրելով ոստիկանական մեքենաները: Նրան հաջողվել էր փախուստի դիմել, ոստիկաններն էլ, խուզարկություն կատարելով, հայտնաբերել էին զինամթերք ու խոշոր գումար: Ըստ տարածված տեղեկությունների' Վարդանին խուզարկելու որոշումը Անդրանիկ Զատիկյանի մահվան փաստով հարուցված քրեական գործի շրջանակում էր: Նշենք, որ Զատիկյանը մահացել էր թմրանյութի գերդոզավորումից:

Առավել մանրամասն՝ թերթի այսօրվա համարում