Ոչ ոք Ֆաբրեգասին չի աղաչի մնալ. Խերարդո Մարտինո

Կատալոնական «Բարսելոնայի» գլխավոր մարզիչ Խերարդո Մարտինոն հայտարարել է, որ իր ակումբում անփոխարինելի ֆուտբոլիստ չկա:

«Ես խոսել եմ Սեսկի հետ և ասել նրան, որ իր հետ հույսեր եմ կապում: Նա անհանգստացած է «Մանչեսթեր Յունայթեդի» կողմից իր ծառայությունների նկատմամբ հետաքրքրությամբ: Ֆաբրեգասին ասել եմ, որ թիմը ցանկանում է, որ նա մնա, սակայն եթե նա ցանկանա հեռանալ, մենք նրան չենք խանգարի, բաց կթողնենք առանց հարցերի և չենք աղերսի մնալ»,- մարզչի խոսքերը մեջբերում է իսպանական մամուլը: