«Չեք ուզում` գնացեք ուրիշ տեղից առեք». Սերգո Կարապետյան

Երևանի Արաբկիր վարչական շրջանի Կասյան փողոցի հարակից տարածքում այսօր բացվեց գյուղատնտեսական մթերքների տոնավաճառը: Բացմանը ներկա է եղել ՀՀ գյուղատնտեսության նախարար Սերգո Կարապետյանը:

Գյուղատնտեսության նախարարի ժամանելուց հետո քաղաքացիները նրան հայտնեցին իրենց դժգոհությունը` նշելով, որ չնայած այն հանգամանքին, որ բացված շուկայում առևտուր անելու իրավունքը միայն գյուղացիներինն է, այնտեղ կան նաև վերավաճառողներ:

Քաղաքացիները նաև նշեցին, որ անգամ գյուղացիները ապրանքը բավական թանկ են վաճառում, ինչին ի պատասխան` Սերգո Կարապետյանն ասաց. «Չեք ուզում` գնացեք ուրիշ տեղից առեք»:

Նախարարը հավելեց նաև, որ գյուղացին եթե ուզում է թանկ վաճառել, կարող է սակարկել` իջեցնել գինը, քանի որ այստեղ գները կարգավորում են վաճառողն ու գնորդը: