Երևանը հրաժեշտ է տալիս Ազատ Գասպարյանին

Օգոստոսի 2-ին «Նաիրի» բժշկական կենտրոնում մահացել է կինոյի և թատրոնի դերասան, ՀՀ ժողովրդական արտիստ Ազատ Գասպարյանը։

Այս պահին Կոնդի Սբ. Հովհաննես եկեղեցում նրա բազմահազար երկրպագուները, ընկերներն ու հարազատները հրաժեշտ են տալիս Ազատ Գասպարյանին: 

Հոգեհանգստի արարողությանը ներկա են նաև վարչապետ Տիգրան Սարգսյանը, մշակույթի նախարար Հասմիկ Պողոսյանը: 

Նշենք նաև, որ Ազատ Գասպարյանի վերջին հրաժեշտի արարողությունը տեղի կունենա օգոստոսի 5-ին` ժամը 12:00-ից 14:00-ն` Գ. Սունդուկյանի անվան ազգային ակադեմիական թատրոնում:

Հուղարկավորությունը կլինի Երևանի քաղաքային գերեզմանատան պանթեոնում՝ Թոխմախում: