Չեմ թքում այն ափսեի մեջ, որից ուտում եմ. Ռոնալդուն՝ Մոուրինյուին

«Ռեալի» ֆուտբոլիստ Կրիշտիանու Ռոնալդուն հրաժարվել է մեկնաբանել ակումբի նախկին գլխավոր մարզիչ Ժոզե Մոուրինյուի խոսքերը. տեղեկացնում է իսպանական մամուլը:

«Կյանքում կան բաներ, որոնք արժանի չեն մեկնաբանության, ես դա չեմ պատրաստվում անել՝ ելնելով հասկանալի պատճառներից: Միշտ հարգում եմ մարզիչներիս և փորձում սովորել նրանցից: Պորտուգալիայում մի ասացվածք կա. չեն թքում այն ափսեի մեջ, որից ուտում են: Այլևս ոչինչ չունեմ ավելացնելու: Նախընտրում եմ դրական տրամադրվել»,-նշել է պորտուգալացին:

Հիշեցնենք, որ ավելի վաղ Մոուրինյուն հայտարարել է. «Աշխատել եմ աշխարհի լավագույն ֆուտբոլիստների հետ։ 30 տարեկանում ես մարզել եմ Ռոնալդոյին՝ ոչ թե Կրիշտիանուին, այլ իսկական Ռոնալդոյին՝ բրազիլացուն»։