Բագարանցիները սպառնում են անցնել Թուրքիայի սահման

Արմավիրի մարզի Բագարան գյուղում այսօր մինի-հանրահավաք է տեղի ունեցել:

Ինչպես հայտնում է shamshyan.com-ը, գյուղացիները արդարացիորեն դժգոհում էին, որ Արմավիրի մարզպետարանը ոչինչ չի ձեռնարկում` գյուղի բնակիչների հոգսերը թեթևացնելու, խնդիրնեը լուծելու ուղղությամբ: Գյուղը, որը 100-150 մետր հեռավորությամբ հարևան է Թուրքիային, գտնվում է բավականին անմխիթար վիճակում:

Ընտրությունների քարոզարշավի ժամանակ մարզպետը խոստացավ, որ գյուղում կլուծվի գազաֆիկացման և խմելու ջրի հարցը, սակայն ստացվեց, որ մարզպետի խոսքը ջրի պես գնաց, ավազի նման մնաց: 4ամիս է՝ գյուղացիները մեծ դժվարությամբ են հասնում Արմավիր, որտեղից էլ՝ Երևան, քանի որ 4 ամիս առաջ մարզպետարանի ինչ-որ չինովնիկի ծալապակաս որոշմամբ դադարեցվեց տրասնպորտի երթևեկությունը Բագարանից Արմավիր:

Այսօր գյուղացիները խնդրում էին Կապի և տրասնպորտի նախարար Գագիկ Բեգլարյանին, որպեսզի օգնի գյուղում վերականգնել տրասնպորտային երթևեկությունը: Նախկինում այն գործել է օրը՝ մեկ անգամ:

Կանայք պատմում էին. «Տրանսպորտը օրը մի անգամ տուդա-աբրատնի էր անում, բայց ի՞նչ անցավ էս մեր խելոք մարզպետի ու նրա ենթակաների մտքով, որ տրասնպորտի քոքը տվեցին գյուղում: Թե մտածված են անում, որպեսզի թուրքի քթի տակ գյուղը դատարկվի»: Երեխաներին էլ հուզում էր տրանսպորտի և մշակույթի տան խնդիրը: Նրանք ցանկացան, որպեսզի հանրապետության նախագահն օգնի, որպեսզի մշակույթի նախարարությունը մարզպետարանի հետ կուլտուրայի տան մի մասը, այդ թվում՝ գրադարանը, գոնե վերանորոգի, որպեսզի իրենք ազատ ժամերին հնարավորություն ունենան թենիս խաղալու և ընթերցանությամբ զբաղվելու: Մինչև Մշակույթի նախարարության ու Արմավիրի մարզպետարանի չինովնիկները հովանավորում են ինչ-որ տափակ գրքերի հրատարակումներին, գյուղի գրադարանի 1000-ից ավելի գրքեր փչանում են, իսկ եթե երեխաները համարձակվում են գրադարանից գիրք վերցնել՝ ընթերցելու համար, ընկնում են սպառնալիքի տակ՝ «Ով գիրք վերցրեց, կդատենք»:

Մանրամասներն՝ այստեղ: