Արթուր Ջավադյանը նոր թույլտվություն է տրամադրել «Առէկսիմբանկ-Գազպրոմբանկի խումբ» ՓԲԸ-ին

Կենտրոնական բանկի խորհուրդը օգոստոսի 6-ի նիստում, որը վարել է ԿԲ նախագահ Արթուր Ջավադյանը, լրացում է կատարել «Բանկում նշանակալից մասնակցություն ձեռք բերելու, այլ մասնակցություն ձեռք բերելու կամ ղեկավար լինելու, ապահովագրական ընկերությունում նշանակալից մասնակցություն ձեռք բերելու, ապահովագրական ընկերությունում ղեկավար կամ ապահովագրական բրոքերային ընկերության պատասխանատու անձ լինելու, ներդրումային ընկերությունում, կարգավորվող շուկայի օպերատորում, կենտրոնական դեպոզիտարիայում նշանակալից մասնակցություն ձեռք բերելու կամ ղեկավար լինելու ուղեցույցը հաստատելու մասին» որոշման մեջ:
Խորհրդը որոշել է «ԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ» ՓԲԸ-ին «Ռիա Մանի Թրանսֆեր» («Ria Money Transfer») արտասահմանյան վճարահաշվարկային համակարգում մասնակցության թույլտվություն տրամադրել: Վերաձևակերպվել են անհատ ձեռնարկատեր Լևոն Ավանեսյանին տրամադրված արտարժույթի առուվաճառքի թիվ 710/1 և անհատ ձեռնարկատեր Արսեն Գալստյանին տրամադրված արտարժույթի առուվաճառքի թիվ 143 լիցենզիաները: «ԱՄՍ» ՍՊԸ-ին տրամադրվել է գրավատնային գործունեության իրականացման լիցենզիա:

ԿԲ հասարակայնության հետ կապերի ծառայություն