Ամփոփվել են «Առողջ սերունդ` պաշտպանված հայրենիք -2013» համաքաղաքային բակային փառատոնի արդյունքները

«Առողջ սերունդ` պաշտպանված հայրենիք» համաքաղաքային բակային ավանդական փառատոնի նախնական փուլին այս տարի ներգրավված են եղել մայրաքաղաքի 12 վարչական շրջանների 295 թիմեր` 4389 մասնակիցներով: Թվով 84 թիմերի 636 երեխաներ ուժերն են չափել նաև տարբեր մարզաձևերի եզրափակիչ փուլում: Մրցումները կազմակերպվել են 7 մարզաձևերից' շաշկի, շախմատ, վոլեյբոլ, հանդբոլ, հեծանվավազք, բասկետբոլ և ֆուտբոլ: Առաջինից երրորդ տեղեր գրաված թիմերի ներկայացուցիչները պարգևատրվել են դիպլոմներով ու մեդալներով,իսկ առաջին տեղ գրաված թիմերը՝ նաև գավաթներով:

Փառատոնին ընդհանուր հաշվարկով 63 միավորով առաջին տեղը գրավել և Երևանի քաղաքապետի փոխանցիկ գավաթին է արժանացել Մալաթիա-Սեբաստիա վարչական շրջանը: Երկրորդ տեղում 60 միավորով հանգրվանել է Շենգավիթ վարչական շրջանը և երրորդ տեղում՝ 57 միավորով' Կենտրոն վարչական շրջանը: Միջոցառման գլխավոր նպատակը դեռահասների ու պատանիների շրջանում առողջ ապրելակերպի սերմանումն է: Մարզական ունակություններով առանձնահատուկ աչքի ընկած մասնակիցները կընդգրկվեն մայրաքաղաքի մարզադպրոցներում:

Երևանի քաղաքապետարանի տեղեկատվության և հասարակայնության հետ կապերի վարչություն