Լուսինե Թովմասյանը, «32 ատամի» Զառան, Հարություն Մովսիսյանը, Զառա Արամյանը և Արթուր Հակոբյանը «նախաճաշում են միասին» (տեսանյութ)

Շուտով կինոթատրոններում կհայտնվի «Նախաճաշ երկուսի համար» ֆիլմը, որում դերակատարում ունեն մեր կողմից շատ սիրված դերասաններ` Հարություն Մովսիսյանը, «32 ատամ» ակումբի Զառան, «համով» Զառա Արամյանը, Վարուժան Մանուկյանը, Արթուր Հակոբյանը և Լուսինե Թովմասյանը:

ArmStar.am-ը ֆիլմի սցենարի և նկարահանման աշխատանքների մասին զրուցեց Հարություն Մովսիսյանի հետ. «Երկար ժամանակ է, ինչ ես կոմեդիայի ժանրում հանդես չէի եկել: Ֆիլմի սցենարն ինձ միանգամից դուր եկավ: Ժանրային առումով այս ֆիլմը նորություն է' սա խաղարկային կոմեդիա է' դրությունների կոմեդիա»:

Հարություն Մովսիսյանը «Նախաճաշ երկուսի համար» ֆիլմում մարմնավորում է պրոֆեսիոնալ ատամնաբույժի կերպար: «Ֆիլմում ունեմ գեղեցկուհի կին, որի դերը խաղում է Լուսինե Թովմասյանը, ընկերս բեյրութցի է, նրա կերպարը մարմնավորում է Արթուրը Հակոբյան, նրա կինը' «32 ատամ» ակումբի Զառան, Զառա Արամյանը, այլ շատ-շատ լավ դերասաններ»:

Հարությունը խնայում էր գովեստի խոսքերը ֆիլմի սցենարի, դերասանական կազմի մասին, այնուամենայնիվ հիացմունքn ու լավ տպավորությունները թաքցնել չկարողացավ: Փոխարենը Հարություն Մովսիսյանը հիացմունք էր արտահայտում ռեժիսորի աշխատանքի մասին. «Կորյունը' Մայիլը, հիանալի ռեժիսորական լուծումներ էր տալիս, սա նրա ռեժիսորական դեբյուտն էր կինեմատոգրաֆիայի ասպարեզում: Կարծում եմ, որ արդյունքն էլ լավ պիտի լինի: Ստեղծագործական թիմի բոլոր անդամներն էլ հրաշալի էին աշխատում»,- ավելացրեց Հարությունը:

Ինչ վերաբերում է ֆիլմի սցենարին, ապա այն շատ բարի ու թեթև է: «Ամեն ինչ սկսվեց կնոջս' Լուսինե Թովմասյանի ստից: Թեև դա վտանգավոր սուտ չէր, հետո շարունակվում է ստերի շարանը: Ֆիլմն իր մեջ փոքրիկ քարոզ ունի. ասում է' թեթև ապրե'ք, մի' ստեք, և այս ամենը համեմված է զավեշտալի ու ուրախ պատմություններով»,-ասաց Հարություն Մովսիսյանը:

Մանրամասն՝ այստեղ: