Քաղաքացին նետվել է գնացքի տակ

Օգոստոսի 7-ին` ժամը 14:50-ին, հիվանդանոցից ոստիկանության Վաղարշապատի բաժնում հաղորդում է ստացվել, որ «Ծանր գանգուղեղային տրավմա» ախտորոշմամբ բուժօգնության է տեղափոխվել 1935 թ. ծնված Պարգև Բաղդասարյանը:

Պարզվել է, որ նույն օրը` ժամը 14:00-ի սահմաններում, Ջրառատ գյուղում գտնվող «Հարավ-Կովկասյան» երկաթուղու «Էջմիածին» կայարանում, ինքնասպանություն գործելու նպատակով, Պ. Բաղդասարյանը նետվել է ընթացող MPT-4 մոդելի գնացքի տակ:

Նույն օրը` ժամը 17:00-ին, հիվանդանոցում Պարգև Բաղդասարյանը, գիտակցության չգալով, մահացել է:
Հանգամանքները պարզվում են:

Կատարվում է քննություն: