ՕԵԿ-ը հաստատակամ է Սերժ Սարգսյանի թեկնածությունը պաշտպանելու հարցում. Հեղինե Բիշարյան

Կոալիցիոն յուարքանչյուր ուժ խորհրդարանական ընտրություններին գնալու է առանձին. դաշինքի հարց դրված չէ։ Այդ մասին այսօր լրագրողների հետ հանդիպման ժամանակ ասել է ՕԵԿ խմբակցության ղեկավար Հեղինե Բիշարյանը։

Այդ որոշումը, Բիշարյանի խոսքերով, իրենք կայացրել են մինչ կոալիցիոն կուսակցությունների հանդիպումը։ Սակայն դա չի անդրադառնա նախագահական ընտրություններին Սերժ Սարգսյանի թեկնածությունը պաշտպանելու ՕԵԿ–ի հաստատակամության վրա։ 

Ինչ վերաբերում է ՕԵկ ցուցակին, ապա վերջինս նշեց, որ ցուցակը դեռևս կազմված չէ, բայց մի բան, այնուամենայնիվ, հստակ է. ՕԵԿ–ը կաշխատի իր ցուցակը զերծ պահել գործարարներից։

Իսկ ընտրությունների հետ կապված մյուս՝ մեծամասնական ընտրակարգով առաջադրվելու, համամասնական ցուցակը կազմելու հարցերը կքքնարկվեն ՕԵԿ-ի մարտի 3-ի համագումարում։