Չեմպիոնների լիգա. Ղազարյանի թիմն ընդդեմ Սելթիկի

Շվեյցարիայի Նիոն քաղաքում գտնվող ՈւԵՖԱ-ի շտաբ բնակարանում կայացավ Չեմպիոնների լիգայի 2013/14թթ. խաղարկության որակավորման փլեյ-օֆֆի վիճակահանությունը (որակավորման 4-րդ փուլ):

Ղազախական «Շախտյորը», որի կազմում է հանդես գալիս Հայաստանի հավաքականի կիսապաշտպան Գևորգ Ղազարյանը, Չեմպիոնների լիգայի հիմնական փուլում հայտնվելու համար պայքարելու է շոտլանդական «Սելթիկի» հետ: Վերջինս Չեմպիոնների լիգայի նախորդ խաղարկությունում հասել էր մինչև 1/8-րդ եզրափակիչ: Այս մասին գրում է armsport.am-ը:

Հիշեցնենք, որ փլեյ-օֆֆում անհաջողության մատնված թիմերը իրավունք են ստանում հանդես գալ Եվրոպա լիգայի խմբային մրցաշարում:

Վիճակահանության արդյունքները.

Չեմպիոնների ճանապարհ
«Դինամո» (Խորվաթիա)-«Աուստրիա» (Ավստրիա)
«Լուդոգորեց» (Բուլղարիա)-«Բազել» (Շվեյցարիա)
«Վիկտորիա» (Չեխիա)-«Մարիբոր» (Սլովենիա)
«Շախտյոր» (Ղազախստան)-«Սելթիկ» (Շոտլանդիա)
«Ստյաուա» (Ռումինիա)- «Լեգիա» (Լեհաստան)

Լիգայի ճանապարհ. Վիճակահանությունը շարունակվում է
«Արսենալ» (Անգլիա) «Լիոն» (Ֆրանսիա) «Միլան» (Իտալիա) «Շալկե-04» (Գերմանիա) «Զենիթ» (Ռուսաստան)

«Էյնդհովեն» (Հոլանդիա) «Մետալիստ» (Ուկրաինա) «Ֆեներբախչե» (Թուրքիա) «Ռեալ Սոսյեդադ» (Իսպանիա) «Պասոշ» (Պորտուգալիա)

Առաջին հանդիպումները կկայանան օգոստոսի 20/21-ին, պատասխան հանդիպումները` 27/28-ին: