Հայկ Կասպարով. Մհերը պետք է հրապարակավ ներողություն խնդրի ինձնից

«Տարոսը ձեզ». այսպես է կոչվում այն երգը, որի հիման վրա օրերս տեսահոլովակ են ներկայացրել Մհերն ու R.P.-ն: Երգիչների այս քայլը չափազանց զայրացրել է Հայկ Կասպարովին, որը պնդում է, թե վերոնշյալ գործն իր երգացանկից է. «Առանց ինձ զգուշացնելու վերաձայնագրել ու ներկայացնում են իմ ու Արփիի դուետը, որի վրա այդքան աշխատանք եմ կատարել ու գումար ծախսել»:

Հայկ Կասպարովն ու Արփին

BRAVO.am-ի դիտարկմանը, թե ինչու հարցը նախեւառաջ չի պարզում երգի հեղինակի' R.P.-ի հետ, Կասպարովը պատասխանել է.“Նրան լավ ճանաչելով' չեմ մեղադրում: Երգը միասին բազմիցս կատարել ենք, նաեւ' իր հարսանիքին, այդ մասին գրվել է: Նույնիսկ պատրաստվում էինք տեսահոլովակ նկարահանել: Մենք շատ մտերիմ ենք, ամենավատն այն է, որ օգտվել են իմ բացակայությունից, քանի որ հիմա Գերմանիայում եմ բնակվում: Իսկ գլխավոր մեղավորներն են Մհերը, իր պրոդյուսեր Գեորգի Հարությունյանը, որը նաեւ տեսահոլովակի ռեժիսորն է, եւ Սոնյան: Նրանց թվում է, թե այս երգի տերն ու տիրականն են”:

Նա նաեւ հետեւյալն է նշել. “Էթիկապես ճիշտ չէ առանց զգուշացնելու վերաձայնագրել ու ներկայացնել ուրիշի երգը: Ինձ շատ բան պետք չէր եւ չէի մերժի, եթե տեղյակ պահեին, որ նման մտադրություն ունեն: Չի կարելի օգտվել մարդու բարությունից: Հիշում եմ, երբ լսեց “Տարոսը քեզ”-ն իմ ու Արփիի կատարմամբ, ասաց' շատ կուզեր իրենը լիներ: Նպատակին հասավ. նման բնավորություն ունի' իր ուզածին հասնելու համար հնարավոր ամեն միջոցի դիմում է…”: 

Մանրամասներն՝ այստեղ