«Փոխմարզպետի «անսլուխ ու անտակտ ծափը կողքից» կամ «կիթառ սովորեցնողի տեղ ասեք՝ ուզում եմ վարչապետ դառնամ»
Հայկական Մամուլ
«Երեկ ինտերնետ հանրությունը խիստ ոգևորված քննարկում էր վարչապետի երաժշտական կատարումը, որն ամբողջ օրը կայքերում էին պտտեցրել, իսկ երեկոյան «Հայլուրով» տվեցին:
Տիգրան Սարգսյանն այցելել էր երիտասարդական ճամբար և, ոգևորվելով ճամբարականների երգից, կիթառը ձեռքն առնելով' ինքն էլ էր նվագել ու երգել: «Բարով եկար, սիրուն կռունկ»-ն արտագաղթի «ջատագովի» կատարմամբ լսելը, անշուշտ, տարօրինակ էր: Բայց ինտերնետում, ծաղրից բացի, նաև հիացողներ կային վարչապետական երգեցողությամբ. մի աղջիկ «Ֆեյսբուքում» գրել էր՝ ոչինչ չէր կարող տրամադրությունս էսքան բարձրացնել՝ շնորհակալ եմ, վարչապետ ջան: Մի ուրիշը նկատել էր փոխմարզպետի «անսլուխ ու անտակտ ծափը կողքից» և զայրացել, թե ինչու է մեջ ընկել, երրորդը «կառավարության սոխակին» խորհուրդ էր տվել այլևս չերգել՝ տաղանդ չունես:
Մեկն էլ գրել էր. «Կիթառ սովորեցնողի տեղ ասեք՝ ուզում եմ վարչապետ դառնամ», և հիշել էր, որ Հրանտ Բագրատյանն էլ է կիթառ նվագում: Մի խոսքով՝ հանրությունը լավ զվարճացել էր Տիգրան Սարգսյանի երգով, թեև կային նաև հանդիմանողներ, թե «սաղ երգերը երգել է, մնում է սարի սմբուլը»»:
Մանրամասները՝ «Հրապարակ»-ի այսօրվա համարում:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
