«Արի տուն»-ցիները բեմադրեցին «Հայ ենք մենք» ներկայացումը

ՀՀ սփյուռքի նախարարության նախաձեռնությամբ Լիբանանի Հայ Կաթողիկե եկեղեցու «Սուրբ խաչ» Հարպոյան վարժարանի աշակերտներից բաղկացած թատերախմբի կողմից Երևանի Մհեր Մկրտչյան արտիստական թատրոնում բեմադրվեց «Հայ ենք մենք» ներկայացումը:

Թատերախումբը մասնակցում էր նաև «Արի տուն» ծրագրի վեցերորդ փուլին և հյուրընկալվել էր Հայ կաթողիկե եկեղեցու Երևանի հյուրատանը:

Ներկայացումը երեք անգամ բեմադրվել է Բեյրութում, այն ներկայացնում է սփյուռքահայ երիտասարդի և երևանցի աղջկա սիրո խորհրդանշական պատմություն, որը երջանիկ ավարտ է ունենում և նրանք վառում են մի նոր հայեցի օջախ:

Ներկայացումը եկել էին դիտելու Հայաստանում գտնվող սիրիահայեր, «Արի տուն» ծրագրի վեցերորդ փուլի մասնակիցներ, ՀՀ սփյուռքի նախարարության աշխատակիցներ:

Ողջույնի խոսքով հանդես եկավ Լիբանանի Հայ Կաթողիկե եկեղեցու «Սուրբ խաչ» Հարպոյան վարժարանի տնօրեն Ռիտա Բոյաջյան:

ՀՀ սփյուռքի նախարարության համահայկական ծրագրերի վարչության պետ Ատոմ Մխիթարյանը բարձր գնահատեց այն նվիյալների և խմբերի գործունեությունը, ովքեր Սփյուռքում վառ են պահում հայ մշակությի ջահը: Նա վստահություն հայտնեց, որ թատերախումբը հաջողությամբ կշարունակի իր գործունեությունը՝ պահպանելով ու զարգացնելով հայ թատերական արվեստը Լիբանանում: