Սամվել Ալեքսանյանի քրոջ որդին տուգանվեց. նրա փախուստը կասեցվեց (ֆոտո)

Այսօր` օգոստոսի 11-ին, Ճանապարհային ոստիկանության 1-ին սպայական գումարտակի 5-րդ դասակի տեսուչների կողմից օրինական «կանգ առ» հրահանգին չենթարկվելու համար հետապնդվել է Ազգային ժողովի պատգամավոր Սամվել Ալեքսանյանի քրոջ որդին' 28-ամյա Վարդան Հովհաննիսյանը:

Ինչպես հայտնում է shamshyan.com-ը, ՃՈ աշխատակիցները երբ նկատել են, որ «Պորշ Կայեն» մակնիշի 06 ԼՍ 006 համարանիշի ավտոմեքենայի վարորդը չարամտորեն խախտում է ճանապարհային երթեւեկության կանոնները, բարձրախոսով հրահանգել են, որպեսզի կանգնի: Սակայն նա, չենթարկվելով ՃՈ տեսուչի օրինական հրահանգին, դիմում է փախուստի: Սակայն ինչպես ժողովուրդն է ասում' «կատվի խաղը' մկան մահը», այս դեպքում' օրինախախտ վարորդը չկարողացավ ճողոպրել «գայի» տղաներից: Սակայն մի որոշ ժամանակ խռովկան երեխայի նման չէր համարձակվում ավտոմեքենայի մգեցված ապակիները իջեցնել, որպեսզի տեսուչը ճշտի' ո՞վ է ղեկին: Ֆոտոլրագրողը հայտնում է, որ անգամ այս դեպքում էլ նորից փորձում էր դիմել փախուստի, սակայն ՃՈ աշխատակիցը կանգնեց նրա ավտոմեքենայի առջեւ: 

Մանրամասներն՝ այստեղ: