Մենք ոչ մեկից չենք վախենում. Ռոբերտ Արզումանյան
Սպորտ
Հայաստանի ազգային հավաքականի և «Ակտոբեի» պաշտպան Ռոբերտ Արզումանյանը խոսել է Եվրոպայի լիգայի փլեյ-օֆֆ փուլում իրենց մրցակից Կիևի «Դինամոյի» մասին, տեղեկացնում է Vesti.kz-ն:
«Մենք արդեն վերականգնվել են «Բրեյդաբլիկի» դեմ խաղից հետո: Իսլանդացիների հետ բարդ խաղ ստացվեց, սակայն մենք պետք է մոռանանք այդ խաղը և պատրաստվենք հաջորդ հանդիպմանը: Այս փուլում լուրջ թիմեր են ընդգրկված, և մեզ բաժին է հասել ուժեղ մրցակից: Այժմ մեր ուժերը փորձելու ճիշտ ժամանակն է: Մենք ոչ մեկից չենք վախենում և խաղադաշտ ենք դուրս գալու միայն հաղթանակի համար»,- նշել է Արզումանյանը:
Հիշեցնենք, որ վնասվածքի պատճառով Արզումանյանը բաց է թողել Եվրոպայի լիգայի որակավորման փուլում «Գանձասարի» և «Հյոդի» հետ հանդիպումները, իսկ «Բրեյդաբլիկի» հետ երկու խաղերին էլ պաշտպանը մասնակցել է:
Նշենք, որ «Ակտոբե»-«Դինամո» հանդիպումը տեղի կունենա օգոստոսի 22-ին Ղազախստանում, իսկ օգոստոսի 29-ին թիմերը կհանդիպեն Ուկրաինայում: ՈւԵՖԱ-ի որոշմամբ` «Դինամոյի» հարկի տակ կայանալիք հանդիպումը կլինի առանց հանդիսականների:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
