«Տոնենք Երիտասարդների օրը հաղթանակած երիտասարդներով միասին»

Facebook սոցցանցում ստեղծվել է խումբ՝ «Տոնենք Երիտասարդների օրը հաղթանակած երիտասարդներով միասին»,- որտեղև մասնավորապես ասվում է.

«Հայաստանի Հանրապետության իրավագիտակից, ինքնորոշված, իր և այլոց իրավունքներին տեր կանգնող երիտասարդությունը «Երիտասարդության համաշխարհային օրը» նշում է ի՛ր ձևով՝ պաշտոնական, «իշխանությունների» կողմից թելադրված տարածքներից ու մշակույթից դուրս, և կոչ է անում բոլորին միանալ այս տոնին:

Միջոցառումները սկսվում են 18:00-ից:

18:00 հավաքվում ենք Սիրահարների այգում՝ երթով շարժվելու նպատակով: Երթուղին է՝ Սիրահարների այգի - Մ. Բաղրամյանի պ. - Ազատության հր. - Հյուսիսային պ. - Աբովյան փ. - Հանրապետության հր. - Վ. Սարգսյան փ. - Բեյրութի փ. - Երևանի քաղաքապետարան: Այնուհետև կշարժվենք դեպի Մաշտոցի պուրակ:

20:00-ին Մաշտոցի պուրակում կլինի երաժշտություն, բարձր տրամադրություն (քո ու բոլորիս կողմից) ու հաղթած, ազատ, իրավագիտակից երիտասարդություն։

Կհանդիպե՛նք...»: