Երիտասարդների 78, 5 տոկոսը հնարավորության դեպքում կմեկնի Հայաստանից

«Ժողովուրդ» օրաթերթն այսօրվա համարում գրում է, որ մինչ ՀՀ վարչապետ Տիգրան Սարգսյանը «Միասին» երիտասարդական շարժման ակտիվիստնեիի հետ ճամբարում կիթառ էր նվագում ու երգում «Բարով եկար, սիրուն կռունկ», երեկ Երիտասարդության միջազգային օրվա առիթով ՄԱԿ-ի Բնակչության հիմնադրամի Հայաստանյան գրասենյակի գործադիր տնօրեն Գարիկ Հայրապետյանը տխուր ցուցանիշներ է հրապարակել:

Ըստ այդմ, աշխարհում կա 15-24 տարեկան մոտ 27 միլիոն միգրանտ, ինչը կազմում է աշխարհի 214 միլիոն միգրանտների մեկ ութերորդը:

«Հայաստանից մեկնող երիտասարդ միգրանտները ևս մեծ թիվ են կազմում: Հայաստանի երիտասարդության ազգային զեկույցի համաձայն, հարցված երիտասարդների 78, 5 տոկոսը հնարավորության դեպքում կմեկնի Հայաստանից: Հարցվածների 48 տոկոսը կարծում է, որ արտերկրում ավելի հեշտ է աշխատանք գտնել: Արտերկրում աշխատավարձերը ավելի բարձր են՝ 42 տոկոս: Հետո գալիս է բարոյահոգեբանականը»,- ասել է Գարիկ Հայիապետյանը:

Մանրամասները` «Ժողովուրդ»-ի այսօրվա համարում: