«Ռուսաստան-Հայաստան հարաբերությունների թունավորումը»

7 տարվա ընդմիջումից հետո այսօր Ռուսաստանի նախագահ Վլադիմիր Պուտինը կժամանի Բաքու: Ըստ ռուսական լրատվամիջոցների տարածած տեղեկատվության` Պուտինը Բաքու կժամանի ոչ թե ինքնաթիռով, այլ ռազմանավով: Այս տեղեկությունը հաստատել է նաև Ադրբեջանում Ռուսաստանի դեսպանատունը՝ ընդգծելով, թե Կասոլյան նավատորմի շքերթը նպատակ ունի ամրապնդել ու զարգացնել երկկողմ բարեկամական կապերը:

Ըստ ադրբեջանական, ռուսական և թուրքական լրատվամիջոցների՝ Պուտինը Ադրբեջան է մեկնում նավերի շքերթը գլխավորող հրթիռային «Դաղստան» ռազմանավով՝ ի ցույց դնելու Ռուսաստանի հզորությունը Մոսկվայի համար առանցքային նշանակություն ունեցող Կովկասյան տարածաշրջանում: Ու, թեև արդեն իսկ հայտնի է Բաքվում ստորագրվելիք 5-6 տնտեսական պայմանագրերի շրջանակը, այդուամենայնիվ առայժմ հստակ չէ Պուտին-Ալիև հանդիպման օրակարգը:

«Ժողովուրդ» օրաթերթն այս առիթով զրուցել է «ժառանգություն» կուսակցության քարտուղար, Երևանի ավագանու անդամ Ստեփան Սաֆարյանի հետ:

-Պարոն Սաֆարյան, չնայած տևական սպասելիքներին, Վլադիմիր Պուտինը այդպես էլ Հայաստան չեկավ փոխարենը որոշեց մեկնել Բաքու: Ինչպե՞ս եք գնահատում այդ փաստը, և, ըստ Ձեզ, ինչո՞վ էր պայմանավորված նման որոշումը:

-Ձեր նշած իրողությունն իր մեջ ուղերձ է պարունակում, հատկապես, երբ հիշում ենք, որ անցած տարվա օգոստոսի 7-ին, երբ շատ անակնկալ Ս. Սարգսյանը հրավիրվեց Մոսկվա, Պուտինը հայտարարեց, թե ինքը կայցելի Երևան՝ հարմար ժամկետներում: Սակայն նախորդ տարվա օգոստոսի 7-ից մինչ օրս, փաստորեն, այդպես էլ հարմար ժամկետ չստեղծվեց: Եվ սա, բնականաբար, Հայաստանի և Ռուսաստանի հարաբերությունների միջև որոշակի թունավորում էր, որն առաջին հերթին պայմանավորված է Արևելյան գործընկերության ծրագրում Հայաստանի ակտիվ մասնակցությամբ: Աշնանը Վիլնյուսում նախաստորագրվելու է Ասոցացման համաձայնագիրը, խորը և համապարփակ առևտրի մասին համաձայնագիրը, հետևաբար, այս քայլով Ռուսաստանը ցույց է տալիս, որ իրեն դուր չի գալիս Եվրոպայի հետ Հայաստանի մերձեցումը:

Մանրամասները՝ «Ժողովուրդ»-ի այսօրվա համարում: